كان عندنا شوتينغ مع شيماء، فالعشية و وصل صباح يوم التصوير و مازال ما وجدت الموديل الثاني (كنا انصوروا جوج موديلات، واحد وجد و الثاني مازال ما عندي حتى فكرة عليه)
عييت منفكر تنحس بدماغي حابس، اش غادي ندير أش غادي ندير، خذيت ورقة و ستيلو و طروفة من الاثواب لي عندنا متوفرة، و فجأة بانت لي واحد الشبكة كنت شريتها قبل بشي عامين، حطيتها على واحد الثوب وردي جات معاه، و هي تجيني فكرة، فكرة لي عجباتكم بزاف، و هزات بريدج مزيان، القميص أبيض و فيه خط بالوردي و معه قطعة من شبكة مزركشة عطات واحد الجمالية للموديل ماكاينش بحالها
النسخة الاولى من الموديل مع شيماء في القنيطرة
وصل موعد التصوير، شيماء غير شافت الموديل گالت ليا هادشي طوب، وجد راسك منين يشوفوه لبنات
المهم بعد تعديل الصور و داكشي حطيناهم فوقت لي زعما ماتيكونش فيه الناس فاتحين بزاف انستغرام، مع الثالثة عصرا، الرابعة و النصف كان السطوك سالا. و الصور فاتو 3 آلاف جيم لي كان رقم قياسي
دابا بعنا ديك البركة واخا كانت قليلة حيت خاصنا مواد أولية باش نزيدو نخدموه، كوموندينا الثوب و لكن كان خاصوا تقريبا ثلاثة أسابيع باش يوصل للمغرب، و لكن المشكل الأكبر هو ديك الشبكة والو مالقيناهاش، قلت مع راسي ما يمكنش شبكة تحبسنا. غادي نصنعوها، لقيت واحد الشركة عندها ديك الشبكة بيضاء كاملة، اتصلت بالصديق عبد الرحمان مصمم جرافيك واعر، و صفت ليه الشبكة لي خدمنا بيها فالموديل الأول، و قلت ليه يحاول يدير احسن منها، و بالفعل كانت النتيجة رائعة، طبعنا كمية كبيرة من ديك الشبكة و خليت عندي السطوك، باش نخدمو داك الموديل على خاطرنا بلا منخافو منها تسالي
و بالفعل خرجنا نسخة ثانية، و نسخة ثالثة كلها بألوان متقاربة و لكن جميلة، و كانت هادي باختصار قصة الموديل الأكثر مبيعا في تاريخ بريدج
النسخة الثانية من الموديل مع شيماء في تطوان
المغزى منها بقا متشبت بالأمل حتال آخر لحظة، و العمل تحت الضغط حتى هو تيخرج نتيجة مزيانة بعض المرات
كون لغيت حصة التصوير حيت بقات غير ساعات قليلة ومازال ما واجد، كون عمرنا شفنا هاد الموديل
النسخة الثالثة من الموديل مع حفصة
الحمد لله والشكر لله تعرفت على ماركة بريدج وخزانتي كلها بريدج وأناقتي برعاية بريدج 💜❣️ برافو ليكم على الجودة والاتقان والابداع والتميز واهم حاجه المعاملة الحسنة… مزيدا من التفوق والتألق الدائم وبارك الله فيكم 🥰
وكملاحظة أخيرة أنا من المحظوظات لي عندها هذا الموديل في خزانتي
موديل أكثر من رائع فعلا كلام من القلب هاد الموديل بالدات كنلبسو كنحس بالثقة فالنفس واعر واعر واعر
وااااعر بزاااااف و مريييييح و الأبيض و التفاصيل باش مخدوم زادوه جمال على جمال..
Bridge rien à dire ❤️
Wach mazal raykoun had le model disponible ola la ??!
3reft bli had modele 7ta ana 7ma9ni okhdito oknlebso bzaf bravo bridge
لكل مجتهد نصيب وفاش كيكون عندك الطموح والابداع اكيد غتوصل لحوايج واعرة ،برافو عليكم إن شاء الله نشوفو بريدج ماركة عالمية ،ماشاء الله عليكم والمزيد من التألق والابداع 🤍🤍🌹🌹
كل واحد منا عندو قصة كفاح ولي كيجمعنا كاملين هي بريدج . تتقدر وتتعزز وتحتفل وتتقدر كفاحنا
حتا انا عندي خديتو هو اللي كنلبس بزااااف حيت الشكل والراحة كتحس بيها واو
Bravo bridge allah yassar
واو فرحت انا حيث عندي هاد الموديل روعة يا فرحاتااااااه ديما بريدج ♥️♥️♥️♥️♥️
Narriii maymknch chhal fraht mnin cheft anah Lmodel 3endi 😂 et bsah ghzaaal nhar lbssto kolchi ham9o saraha ga3 lhwayj d bridge dika fl mostawa mn jami3 nawahi . keep going Bridge we are always proud of been your costumers 😍😍